 |
|
|
|
 |
Општи податоци за Глобалниот фонд за борба против сида, туберкулоза и маларија
Глобалниот фонд за борба против СИДА, туберкулоза и маларија е оформен во јануари 2002 година со цел значајно да придонесе во зголемувањето на финансиските средства за борба против три од најголемите светски болести - сидата, туберкулозата и маларијата, како и да ги насочува овие средства кон оние делови од светот каде што се најнеопходни. Глобалниот Фонд, како партнерство помеѓу владите, граѓанскиот и приватниот сектор, претставува еден иновативен пристап на финансирање во меѓународниот здравствениот сектор.
Основни принципи и финансирање на Глобалниот фонд
- Обезбедува грантови на локално развиени програми за борба против СИДА, туберкулоза и маларија за кои земјите доставуваат предлог апликација во тековнита рунда.
- Финансиран од замјите членки на Г8 групата, донации на влади од други земји, организаации и приватниот сектор
- Финансирањето на програмите од страна на Глобален Фонд се врши врз основа на постигнати резултати
- Формиран според законите на Швајцарија со седиште во Женева
- Функционира како финансиски инструмент а не како имплементирачко тело
- Поддржува национални програми
- Функционира рамномерно во смисла на географски предел, болест или интервенција
- Се залага за интегриран и балансиран пристап на превенцијата и третманот
- Процесот на доделување на грантови е едноставен, брз и иновативен
- Има транспарентен процес на работа
Организациона структура на Глобалниот Фонд
- Собрание - составено од преставници на влади, граѓанско општество, приватен сектор и технички партнери
- Секретаријат - ги прима предлог проектите за грант
- Тим за технички преглед - врши технички преглед на предлозите за грант
- Партнерски форум - дава сручни совети и препораки
Процес на одобрување на Грант од Глобален Фонд
- Глобалениот Фонд објавува нова рунда за поднесување на предлог проеки
- Национален Координативен Механизам - НКМ припрема предлог проект за грант од областа СИДА, туберкулоза и маларија
- Апликација на предлог проектот до Секретаријатот на Глобален Фонд
- Собранието на Глобалниот Фонд дава одобрување на предлог проектот за грант
- Проценка на Примарниот примател/и на грантот од страна на Локален фонд агент селектиран од страна на Глобалниот Фонд
- Потпишување на договор за грант помеѓу Глобалниот Фонд и Примарниот примател
- Примарниот примател склучува договор со Секундарните приматели кои се директни имплементатори на програмските активности.
|
|
|
|
|
| | Публикации | | Национална стратегија за контрола на туберкулоза 2008-2012
Информации за туберкулозата наменети за припадници на ранливи групи
Информации за туберкулозата наменети за општа популација
|
|